Transcription
1
Reçue à Grenoble, le 11 mars 1573. Répondue le 12 mars 1573.
2
Monsieur, despuis la despêche que je vous fis du Ve, j’ay
3
resseu deux des votres, l’ugne du Ve et l’autre par le
4
cappitaine Coulon leq uel faict sa compagnie à Celes, estant
5
le lieu que vous a advisé le plus comode pour estre
6
proche d’issy. Et pour plus promptement ladvoyr dressée
7
ne demeurent. Je vous direy que Vileneufve de Berc est
8
du tout perdue s’estant monsieur de Lauguière, sa
9
femme et le sieur de Montault saulvés. Quoy estant
10
adverty, je feus yer matin au Montelhymar me
11
doubtant de ce que je trovey que le peuple seroyt
12
effrayé pour advoyr des voysins inesperés et les
13
trovey de telle fasson qu’ilz penssoyent desjà estre
14
à la velhe de revenir à pis qu’ilz n’ont jamays
15
estés, ayant mesmes oppinion que l’ons brassoyt quelques
16
menées en leurs vile que leurs prometoyt hou la
17
peur hou les fassons de ceulx qu’ilz doutent. Je
18
y porveus le mieulx que je peus mesmes au chasteau,
19
lequel est acomodé pour quelque temps de toutes choses
20
nessessayres. Ilz desirent advoyr quelques estrangiers
21
pour leur seurté et m’en presantarent request, laquelle
22
je ranvoyrey à vous aveques totesfoys que atandens
23
qu’il y fut par vous aultrement porveu il leur seroyt
24
premis de retirer quelques souldatz pour leur
25
consservation par conssentement des catholiques et aultres.
26
Vous ne porriés croyre monsieur la jalouzie enquoy
27
ses tradimens mettent ung chescng. Vous mescripvés que
28
seriés bien hayse savoyr quy est ce capitaine La Croix. C’est
29
ung qui menoyt des crues pour monsieur de Saint Jeran ayant comme
30
long m’a dit bien ample comission de monsieur le mareschal. Monsieur
31
[262v°] du Telh le volut employer pour aller à Vilenefve, mays il nyt eust
32
hordre. Aultrement je vous direy que la compagnie du segneur Saint Santurion
33
n’a point de l’argent. Je leur foys fornir sur talhe ce qui leur
34
est nessessayre, les voyant sy volonteers au service et sy affectionés
35
que l’ons ne leur porroyt refuser cella et à la peyne que vous
36
povés pensser qu’ilz hont. Je n’a y falhy fère courir le paquet
37
adressant à monsieur le maréchal et les aultres lettres à qui elle s’adressoy.
38
Monsieur de Cabanes doibt partir demayn pour s’en retorner en
39
Provence. J’ay este mervelheusement joyeus antendre des nouvelles de
40
messieurs d’Evènes et de Laval vous suppliant me fère part de
41
toutes celles qu’en ressevrés. Madame la contesse de Laval
42
a esté yssy estant très marrie comme elle dit tant du Pousin que
43
des molins qu’ilz luy hont prins. Monsieur de Vaucluse a couché
44
se soyr yssy. Il vous bayse les mains très humblement et m’a dit
45
que tant vous savés qu’il ne falhira vous parvenir voyr. La compagnie
46
de monsieur de Maulgeron couche à nuyt à Montmeran et comme
47
j’entens s’en va d’alongue en Languedoc. Je ne les arresteray point
48
puys que je n’ay aulcung comandement de vous [mots barrés] et aussy que la
49
vostre n’arrestera à venir suyvant ce que m’escripvés. Je vous
50
tiendrey adverty de tout ce quy se presantera. Monsieur scripvant
51
ceste Madame d’Ourche me anvoyé monsieur de La Bastie pour
52
me prier de vous scripre que suyvans quelques lettres que l’ong
53
a trouvés à ungne femme dont je vous envoye copie venant
54
l’ugne de monsieur de Roysse et acdressante à ung sien beau frère
55
nomé le cappitaine Baron, qui voyes n’ayes oppinion que ledit sieur
56
de Roysse remue en aulcune fasson et qu’il n’en fault doubter.
57
Je le vis dernierement à Saint Gervays, quy m’en dit aultant
58
lequel je croys, mays comme que se soyt sy vous advés la forsse
59
avecques vous vos ferés deux biens asseurrés les ungs et garderés les
60
aultres de remuer. Ce pandent nous ferons yssy comme nous advons
61
faict à l’ayde de Notre Seigneur auquel je supplie vous doner
62
[263] monsieur, en parfaicte prosperité très heureuse et
63
très bonne vie et longue. De Lauriol, ce VIIIIe de mars 1573
64
Votre très humble serviteur
65
Rousset
66
Monsieur depuys ceste scripte, monsieur de Moydieu
67
est arrivé et m’a randu la votre dont j’ay veu ladvis
68
que l’ons vous a donée que au Pousin travalhent aux fossés.
69
Votre oppinion est la plus seyne, long fera ce que l’ons
70
porra à ce que m’escripvés. Quant aux souldatz don j’advoys
71
acomodé monsieur du Telh, ilz estoyent [déchiré]
72
aultant d’ungz que d’aultres, de fasson que [déchiré]
73
demeuroyt moingz asseurée. Je vous envoye [déchiré]
74
de Conbans, de La Roche et de Lisle.